طبعا أنا أكتشفت انى هجرت مدونتى بقالى سنة ونص واكتر
ومفروض لما ارجع مرجعش ببوست دمه تقيل كده
بس ده واقعنا اللى بيفرضه نفسه على تفكيرنا واحساسينا وكتاباتنا
فعلا يا جماعة أنا مذهولة من حادثة المقاولين العرب ده،
وإن كانت مش أول حادثة وجماعية كمان
يظهر ان الحوادث بتاعة (واحد يقتل واحد) كانت حوادث الزمن الجميل
دلوقت القتل والانتقام أكوام أكوام
ولكن الملفت للنظر وده بردو من سمات العصر اللى إحنا فيه
ان القاتل مبيقاش مجرم من الأساس ولا عمره كان يفكر أنه يقتل ع الاطلاق
زى عم محمود طه سائق الاتوبيس
وكمان سمعه الراجل فى شغله ومنطقته زى الفل
ومش بتاع مشاكل وهادى
وده شىء يخوف جدااااااا
زمان كنا إحنا اللى نخاف أننا نتأذى ...أو حد يقتلنا...
لكن دلوقت بقيت خايفة انى ابقى أنا الجانى :(
وتكون فى نوازع
من حيث لا أدرى
يارب سترك
ع فكرة وحشتونىىىىىىىىىى
