12‏/07‏/2010

حاجة تخوف

طبعا أنا أكتشفت انى هجرت مدونتى بقالى سنة ونص واكتر
ومفروض لما ارجع مرجعش ببوست دمه تقيل كده
بس ده واقعنا اللى بيفرضه نفسه على تفكيرنا واحساسينا وكتاباتنا
فعلا يا جماعة أنا مذهولة من حادثة المقاولين العرب ده،
وإن كانت مش أول حادثة وجماعية كمان
يظهر ان الحوادث بتاعة (واحد يقتل واحد) كانت حوادث الزمن الجميل
دلوقت القتل والانتقام أكوام أكوام
ولكن الملفت للنظر وده بردو من سمات العصر اللى إحنا فيه
ان القاتل مبيقاش مجرم من الأساس ولا عمره كان يفكر أنه يقتل ع الاطلاق
زى عم محمود طه سائق الاتوبيس
وكمان سمعه الراجل فى شغله ومنطقته زى الفل
ومش بتاع مشاكل وهادى
وده شىء يخوف جدااااااا
زمان كنا إحنا اللى نخاف أننا نتأذى ...أو حد يقتلنا...
لكن دلوقت بقيت خايفة انى ابقى أنا الجانى :(
وتكون فى نوازع
من حيث لا أدرى
يارب سترك
ع فكرة وحشتونىىىىىىىىىى

هناك 4 تعليقات:

فاتيما يقول...

انتى كمااااااااااااان
يا اجمل شخابيط ع انت

انتى كمان يا شبه نسرين الرقيقة

انتى كمان يا بنت ابيها الغالى


انتى كمان وحشتينا جداااااا
و يا رب تكونى فى أحسن حال

بالنوسبة لللبوست بقى
فيا حبيبتى الواحد عمال يقرى تحليلات كتير للحادث و اسبابه و دوافعه و نتايجه
الكل متفق تقريباً ان المواطن المرى بقى مدفوع دفعا للإنفجار على اسباب قد تبدو تافهة او غريبة ..لكنها نقطة الماء اللى بسببها فاض الكوب

و مبقاش سهل تفصلى سبب اقتصادى عن اجتماعى عن نفسى

الحاجة الوحدية اللى اكاد اجزم انها بلا نقاش و الكل يبصملك عليها

ان الخوف بقى سيد المشهد

اخويا بيشتغل ف المقاولين العرب
و قدم عشان يتنقل للخط دا من شهرين و متوافقشى على طلبه

لو كان اتوافق عليه
كان زمانه ف الاتوبيس دا
لكن ربنا سلمه الحمدلله
بس مسلمش زممايله
اللى يعرف واحد فيهم و اشتغل معاه سنتين و هوه اللى اقترح عليه يتنقل معاه و راجل محترم و رب اسرة و حاجة توجع القلب كدا

نحتسبهم عند ربنا شهداء
و المقالة دى يمكن تقول حاجة

http://dostor.org/politics/egypt/10/july/10/21913

بحبك قوى يا إيمو
وفرحاااااااااانة جدا برجوعك
والف حمدلله ع السلامة


تحياتى لتوتو و د.زين
و عماد و امانى


بوسةات و حضونات
يا حبيبتى
♥♥♥

إيمان يقول...

بجد بجد وحشتينى جدا يا فاتيما
ودايما بزور مدونتك وبتابعك وبستمتع بمالموضوعات بتاعتك
وكل يوم بتأكدى انك حقا مبدعة
وان كنت مش بسيب تعليق

بالنسبة للحادثة فعلا هو ده أنسب تحليل مع كثرة الجرائم مع أختلاف دوافعها وكيفيتها

وبالنسبة لأخوك قدر ولطف الحمد لله
انا بردو جارتى فى المقاولين العرب وكانت فى اتوبيس الموت ده
وربنا سلم بس البنت فى حالة اسبهلال
وذهول ربنا يسلم
وبالنسبة لتعليقك لم يخيب ظنى وكنتى أول حد علق
ادعيلى استمر لان بجد وحشنى التدوين وأهله

وكل سنة وأنتى بألف خير

MKSARAT - SAYED SAAD يقول...

حمد الله على السلامة
ونورتى التدوين من جديد
بوست مش دمة تقيل ولا حاجة انتى فعلا عندك حق لأن بقى هو ده حالنا
حمد الله على السلامة مرة تانية
تحياتي
صاحب المكسرات

فاطمه مصطفى يقول...

حمد الله على السلامة
أنتى اللى وحشتينا أكتر بكتير
ووحشتنا كتاباتك وتعليقك على الاحداث
فعلا معاكى حق الواحد بقى بيمشى دلوقتى يركب ميكروباص تاكسى بيبقى خايف يكون معاه حد يعمل فيه حاجة

الواحد بقى بيخاف من جيرانه من زمايله وكمان دلوقتى من أهله والاغرب من كده أنه فعلا بقينا بنخاف من نفسنا لنصبح فى يوم جناه ويكون ضحايانا اغلى ناس لينا

المشكلة الواحد مبقاش عارف ايه السبب ياترى مشاكل نفسية ولاضغوط الحياة والمجتمع علينا مش عارفة

نقول ايه ؟؟؟؟؟؟
ربنا يسترها علينا ويرحمنا