22‏/05‏/2008

حبيبى دائما ...أبى

أعتقد إنه قرار غير صائب أن أكتب عنك
فكيف تستطيع كلماتى العاجزة أن تتحمل الكتابة
وتقول عنك أو لك
ولكنى أريد أن أكتب ويعرف العالم كله إن أمكن
كما أنت يا أبى جميلا
وعظيما..وتسكن عينيك براءة سرمدية
ووجه يحبه كل من يراه
بفطرتك الطبيعية أنت وأمى الرائعة
لم تشعرانى عندما أصيبت قدمى يوما
أننى أبدو مختلفة .أو حتى ضعيفة..بل أودعتم فى أحلامكم
وحملتونى أمانتها ليس من باب المجاملة
بل بإيمان فى الله منكم أننى أملك الكثير لتحقيقها
بل جعلتمونى شمسا تدورو فى فلكها
أبى...أظنى لم أخبرك يوما أننى كم تستهوينى مراقبتك
وأنت تسائلنى بعين رقراقة بطبيعتها ووجه سمح رقيق وترقب
عن أحوالى ..
وتفصيلاتى الصغيرة جدا
التافهة فى عينى وعظيمة الشأن فى عينك
أبى أظنك لا تعرف أيضا أننى كم أشعر أننى أتضاءل يوميا
أمام عطاءك وحبك اللامحدود
وعجزى المتزايد واللا متناهى أمامه

هناك 17 تعليقًا:

فاتيما يقول...

رقيقة كعادتك يا إيمو
ربنا يخليهولك يا رب ...
الأبوة نعمة كبيرة بنكتشف قدرها كل يوم بنكبره ...
بس برضو إنتى أبنة مميزة و تستحقى كل هذا الحب ...
أنتى قرة عينه و لم تخذليه لحظة واحدة
بالعكس هوه اكيد فخور بيكى و بيتباهى بين الناس لما حد يسأله عندك إيه يقوله عندى بنتى الدكتورة إيمان ...
إنتى بترديله الجميل و بتسعدى قلبه
ربنا يخليكو لبعض

إيمان يقول...

فاتيما.

يارب دايما كدة منورانى ومكترانى يارب
فعلا الابوة نعمة بنكتشف قدرها كل يوم بنكبره...

وهو فعلا يا حبيبى بيفتخر كدا ويقولى أنت أحسن من عمارتين معرفش لية تحديدا عمارتين...
تفتكرى بيلمح على اية...؟؟

بجد دايما تسعدينى بزيارتك.....

مـحـمـد مـفـيـد يقول...

ما اكرم واعظم هذه المشاعر

أبو خالد يقول...

أبنتى الغالية /ايمان
خاطره جميلة رقيقة تنم عن حب رائع
لأب جميل بارك الله لك فى عمره ياأرق أبنه
كنت أتمنى أن أراك فى حفل توقيع عقد أول
عدد..
خيرها فى غيرها

tharwat يقول...

صورة أخرى من صور الحب الرفيع السامي و وجه أصيل من وجوه بر الوالدين بارك الله فيك و في والدك يا إيمان
و جعلك قرة عين له
سلمت أناملك

إيمان يقول...

محمد مفيد

نورت المدونة وشخابيطى المتواضعة
ربنا يرزقنا بر العمل ورضاهم مع المشاعر يا محمد....

تحياتى لمرورك

إيمان يقول...

عمى العزيز / أبو خالد ...منورانى دايما بجد يارب متحرمش ابدا من زياراتك ودعمك ليا
أنا كان نفسى أجى واشوف حضرتك ...بس فاتيما أكدت لينا اللى بنشعره تجاهك من ذوق وسماحة وجه رائعة...ودام الله علينا الود الفضائى وغير الفضائى فى فرصة تانية إن شاء الله

تحياتى وإحترامى

إيمان يقول...

ثروت....تسلم الله يكرمك ....ربنا رزقنى واياكم بر وحب والدينا ....
وجعلنا الله لنا كما يحب ويرضى

تحياتى لزيارتك

نبضات يقول...

ايمان انا جيت بسرعه واعذرينى انى مش حقدر اعلق على البوست عشان عندى شغل كتير بس شفت تعليقك قلت اقولك ان فى مدون عامل تغطيه لتجمع المدونين يوم حفل التوقيع بالصور والفيديوا اسمه خالو احمد الصباغ واللينك بتاعه ستجديه عند فاتيما وانا فى انتظار اجابات التاج
ولى زياره اخرى بس مش مستعجله

تحياتى

إيمان يقول...

وانا بسرعة ....اقول ما لاقيت اسمك قولت ارحب واقول الدنيا نورت وهدخل اشوف التغطية ...

تحياتى ومحبتى

اسامة يس يقول...

حين نكتب من القلب ، يحمل القلم المشاعر فيفيض بها مدادة.. ليعبر عن جيشان الداخل ...

خاطرة دافئة عن احب الناس الينا...
دمت بكل ود..
خالص تحياتي

freedom يقول...

و الله صار نفسي اعرف كيف الشعور لما بيكون للواحد اب!!!

فاتيما يقول...

نعمممممممم
بيرسم على إيه ؟؟
واضح يا ماما طبعاً
يعنى لما تاخدى الدكتوراه و تعملى كتب و ملازم و تطلعى عنين العيال و تلمى الالافات بقى تبقى تبنى عمارتين
واحدة ليه و واحدة لمامتك ...
ربنا يخليكوا لبعض و تعيشى و تجيبيله الخير و الهنا كله
و لحضرتك تاج عندى تعالى إستلميه

إيمان يقول...

أسامة

نورت المدونة وعايزا أقولك أن معرفتش اقول اى حاجة لأنك هناك أشياء عظيمة
تقف الاقلام فى وصفها عاجزة

دمت بكل خير

إيمان يقول...

Freedom
نورت المدونة ويسعدك ربنا
سؤالك صعب عليا أوى ..
بس يكرمك بكل خير

تحياتى وتقديرى

إيمان يقول...

أنا جاية فوررررررررررررررررران

تحياتى ومحبتى

عندما انتهيت من صنع سفينتى..جف البحر يقول...

كل الناس الجميلة دىكتبت عن عمى او علقت من غير ما تشوفه
انا بئا يا جماعة شوفته واتعاملت معاه
هو اجمل صورة اب الواحد يفضل يحلم بيها
واجمل صاحب ممكن تقابله وتفضفض معاه ويسمعك وميملش
اجمل إنسان مجامل وزوق وشيك فى معاملاته
مش ممكن تحس معاه انك غريب
ومش ممكن متحبوش
لما يجى يديلك نصيحة ميحسسكش انك غلطان بس يحسسك انك بس كنت فاهم غلط
تتحرج من نفسك ادامه لو انت حد مش كويس
ملامحه طيبة تحس انك عارفه من زمان
قدوة .. ايوه هو أب قدوة ودى حاجة كلنا او اغلبنا بيفقتدها
تتعلم منه ازاى يعامل اهل بيته
تتعلم منه ازاى تكون معاملاتك خالصة لوجه الله
بارك الله لكى فيه وفى والدتك
وباختصار شديد انا عيطت وانا بقرأ الكلام
والصورة غاية فى الإبداع ياصحبتى