27‏/06‏/2008

دعنى ارفع لك القبعة

اليوم فتحت التليفزيون وشاهدت فقرة من

برنامج شارع الكلام على النيل الثقافية

وكانوا مستضفين من حسن حظى

الرائع

المهندس محمد عبد المنعم الصاوى ..

اللى كنت نفسى اعرفه واشوفه من زمان طبعا كلكم عارفينه أحد مؤسسى ساقية الصاوى اللى قدرت فى مدة خمس أو ست سنوات تكون صرح ثقافى مؤثر جدا بيجذب

شريحة كبيرة من الشباب وايضا الكبار وكانوا مستضفينه عشان الحملة التى تقودها

الساقية تحت مسمى العيب

اللى بيهدفوا من خلالها تغير المفاهيم والعادات

والتقاليد المقيدة لنا كمصريين وخاصة فيما يتعلق بالزواج والمسكن.....

وعادات وتقاليد تانية بتتعلق بمختلف جوانب حياتنا وقد دخل الحوار بتصرف عملى بعدم ارتدائه البدلة والكرافته

لارتفاع درجة الحرارة والرطوبة وانه ده بدأ كإتجاه فى اليابان

لتوفير الطاقة وكانت نظريتهم ان الشخص لما يلبس بدلة وكرافته هيحتاج مكيف وده معناه طاقة

وده معناه تلوث فى البيئة....فبدأوا بالتخلى عن الرسميات كحل عملى ومرن بالاضافة الى مدخلة العملى والمختصر....

أهم ما كان يميز هذا الشخص

أنه كان مبتسم طوال الفقرة ابتسامة بجد حقيقة..... لدرجة انك تحس انه لا يعرف الضيق الاكتئاب

ما شاء الله ولا قوة الا بالله

بسيط وقليل فى كلامه....وغير مستعرض

.

ومنكر لذاته بشكل صادق

متحمس

كلماته تخرج من القلب والعقل ....

لتنفذ الى قلبك وعقلك

انا دلوقت صدقت أكتر ليه

اختاروه فى الاستفتاء اللى عملتوا

جريدة الدستور

عشان يكون وزير ثقافة

وإن كان ده حاصل بدون

مناصب

يمكنها أن تجعل

برؤية حكومية شفافة

أن

من العيب الاهتمام بثقافة

وتغير المجتمع بشكل حقيقى

وده موقع الساقية على النت

لو حد عايز يعرف أو يشترك

فى برامجها وانشطتها

http://www.culturewheel.com/

هناك 14 تعليقًا:

فاتيما يقول...

الله عليكى يا إيمو
طب بجد أنا كنت بسأل نفسى الساقية دى محاولة وليدة و فى خلال سنوات قليلة بقت أسم كبير مش من فراغ لكن لأن فيه جهود مخلصة و قلوب متجمعة حواليها بحب
اومال مصر بكل مثقفينها و ادباءها و فنانينها و شعراءاها و ...و ...
مش لايقين مظلة تضمهم يباهوا بيها باقى الثقافات التانية ليه ؟؟
طبعا كل الناس دى ملموسة جهودها و إبداعاتها بس بشكل منفرد و غير منظم
و كأن الدولة بتتعمد تشتيتهم عشان عارفة إنهم دماغ متكلفة و مش بيسكتوا على أى تهريج حاصل
تحياتى يا إيمو
يا جميلة
أنا كمان معاكى برفع القبعة

tharwat يقول...

طوال الفقرة ابتسامة بجد حقيقة..... لدرجة انك تحس انه لا يعرف الضيق الاكتئاب
ما شاء الله ولا قوة الا بالله
بسيط وقليل فى كلامه....وغير مستعرض
ومنكر لذاته بشكل صادق
متحمس كلماته تخرج من القلب والعقل ....

لتنفذ الى قلبك وعقلك

نموذج للنجاح
إجابة عن السؤال التالي
لماذا نجح هذا الرجل ؟

blue-wave يقول...

فعلا الساقيه دى من اهم النوافذ الثقافيه فى البلد

3D يقول...

nice blog

مـحـمـد مـفـيـد يقول...

امبارح كنت ماشي من امام الساقيه واول مره اخد بالي من ششعارها
الساقيه
اننا نسقي الثقافه

إيمان يقول...

فاتيما الحنينة دايما

طيب والناس اللى دماغها متكلفة دى
ولو ملقتش المنافذ والطرق اللى
بيها تطور وتبدع وتغير بيحصل اية
يإما بتسافر الى حيث من يقدرها
أو بتنزوى ....وتموت كمدًا من الحسرة على الاوضاع المتردية
أنا نفسى نستغل تواجد الناس الكويسة فى المدونات ونعمل حاجة تفيد بعض
ياريت نفكر وانتى من خلال مدونتك تطرحى هذه الفكرة إذا لاقت لديك قبول

إيمان يقول...

ثروت...

فعلا صفاته دى وجوهره الثرى
كانت مؤهلات نجاح قوية
ماهى المؤهلات مش بتبدأ بالامكانيات بس
ولكن بالايمان بالفكرة والتحمس لها
بصرف النظر عن فوائدها الشخصية

تحياتى وتقديرى

إيمان يقول...

عمرو صاحب الموجة الزرقاء

هى فعلا منبر حقيقى ربنا يديمه علينا
ويكتر منه

تحياتى

إيمان يقول...

muisc lover

thank u

إيمان يقول...

استاذ محمد مفيد
فعل اسمها هو هدفها سقى الثقافة
على اعتبارها شىء اساسى وضرروى للحياة

تحياتى وتقديرى

الطائر الحزين يقول...

هكذا نتيجة كل جهد صادق

Basma Aly يقول...

انا كمان من الناس اللى بيحترموا الراجل دة بجد يتاهل اننا نحترموا عمل حاجة اسمها ساقية الصاوى وبيبقى نفسى كتير اتابعها لكنها بعيدة عن البيت والشغل مش مدى الواحد فرصة يبص قداموا وانا ارف لة القبعة معاكى يا ايمان لانة يستاهل كدة واكتر

إيمان يقول...

الطائر الحزين

عندك حق ويارب يقدرنا ونكون صادقين

فيما نعمل

تحياتى وتقديرى

إيمان يقول...

قرقوشة

أنا كمان زيك بيتى وشغلى بعيد عنها

بس ابشرى هيعملوها فروع فى أكتر من

مكان إن شاء الله

تحياتى ومودتى