أنا ملاحظة يا جماعة ما شاء الله ولا قوة الا بالله
إن المدونين ناس مش قليلة فكرًا ولاعملا
وان محدش بيكتب غير اللى له فكر ورأى
وعايزا يقول ونفسه جدا يقدر يعمل حاجة
المستوى المتدنى للمستشفيات
وبتحاول تغزل بامكانات ضحلة جدًا
دى محاولة لتجميل الواقع
وتصور ان فى امكانات من الاساس
عشان تخفف عن المرضى وتساعدهم
وأطلقت صرخة من مشاكل الطلبة فى التعليم
بكليات الطب
من تجارة الأطباء بالمرض
بيناقشوا قضايا الزواج والارتباط
ومش عاجبهم حالة المادية المسيطرة عليها
اللى بياكدوا ان مش مهم الزواج وخلاص
وان المهم يكون الزواج صح وتفاهم
ومشاركة من خلال مواقف
بيتعرضوا لها بتعبر عن كتير
من البنات
وجهة نظر البنات وبيقولوا
بلاش تفهمونا غلط أحنا هنقول عايزين إية
من كل المجتمع برجالة ونسائه وبناته
وفاتيما الرائعة...بتكلم من زواية أخرى فى مشاكل المرأة
ومعاناتها فى ضم ابنها ورؤيتها له
واللى بتعبر عن مشاكل كتير من السيدات
والرائع أحمد الشهير بسووو
اللى بنتمنى يكون أفضل سينارست
اللى حاول بخطوة ايجابية تحسب له
يعمل تجمعات يشوف من خلالها
ممكن نستغل وجودنا ازاى
والجميل عمى العزيز أبو خالد
المتحمس لعالم التدوين والشباب
والمشارك دائما فى تجمعتهم
واللى ممكن يقولنا ازاى نحقق الحلم
المصرى
وناس كتير يمكن مش بتناقش قضايا
معينة بس نفسها تغير وتتغير
ياترى يا جماعة ممكن نقدر نستغل وجودنا وامكانايتنا
ياترى يا جماعة ممكن نخلى الكلام والحلم واقع
أنا مستنية ارائكم ومشاركتكم
نشوف يمكن نقدر نعمل
حاجة
هناك 46 تعليقًا:
إيمو
أمسحى التعليق الأولانى دا عشان فيه فيرس
و بعدين ميرسى يا حبيبتى إنك جمعتينى مع زمرة الناس اللى حاسة إن عندهم قضية او مشكلة فى واقعهم و بيطرحوها فى مدوناتهم لعل و عسى الجميع ينتبه
أعتقد أنى شخصياً و كتير زيى بنعمل كدا
إحنا جرس أنذار لكل اللى بيقرا إنه يخلى باله و ميعملش زى اللى بنحكى عنهم و يمارس هذا الخطأ و لا يشارك فيه
و لا حتى يسكت عنه ...
أهو نوع من عدم السكوت عن المنكر و لو بالكلمة
تحياتى يا حبيبتى
بالظبط زي ما قالت فاتيما .... دورنا حاليا التوعيه وتبادل الأراء وكشف المواضيع إلي بتحصل في البلد ... مش لازم مواضيع سياسيه بس، ممكن مواضيع ثقافيه وأدبيه وعلميه وفنيه ... كل واحد في موقعه وحسب ميوله.
هو دا العمل الجماعي بتاعنا... وكفايه إن بقي في وعي بالمدونات علي كل المستويات في مصر وممكن أدعي كمان إننا سببنا قلق كبير أوي علي كل المستويات برده ... وكل واحد بيعمل حاجه غلط أو بيهبل في الكلام بيراجع نفسه ميت مره علشان ميتقطعش فروته علي النت. مبقاش المصريين بيطسوا القرار أو القانون ويسكتوا .... بيتكلموا وبيقولوا رأيهم وبينتقدوا، وفي ناس كتير عندها القدره تفضح بفيديوهات، وممكن نلاقي ناس تقدر تفضح رشاوي، وفي ناس بتعرض إلي بيحصل ثقافيا في مصر .....إلخ
هو دا دورنا، وهو دور مهم أوي، لأننا بننتقد وبنعرض حلول وبنطرح أفكار ... هو دا إلي حيشكل مجتمعنا في المستقبل.
تحياتي ليكي
و الله احنا بدأنا فعلاً
يعنى زمان كان الواحد ميقدرش غير انه يقرا او يسمع او يتفرج و بس
يعنى فى ناس بتفرض عليك اللى تقراه ... و اللى تسمعه ... و اللى تتفرج عليه
لكن دلوقت لأ
دلوقت الواحد يقدر يكتب و يكون له قراء
يقدر يغنى أو يعزف و يكون له مستمعين
يقدر يمثل أو يخرج أو يصمم و يكون له متفرجين
و كمان يقدر يعرف رأيهم
و انا شايف ان دى البداية
بداية ان كل واحد يقول اللى عنده
و واحدة واحدة زى ما وصلنا لكدة
هنوصل للى أكتر من كدة
و شكراً على السؤال الجامد ده
سلام
الرد تجديه فى قصيده امل دنقل ولا تحسبى هذا تشاؤم ولكنها الحقيقه
كنت في كربلاء
قال لي الشيخ أن الحسين
مات من أجل جرعة ماء ..
وتساءلت
كيف السيوف استباحت بني الأكرمين
فأجاب الذي بصرته السماء :
انه الذهب المتلألئ : في كل عين .
............
إن تكن كلمات الحسين
وسيوف الحسين
وجلال الحسين
سقطت دون أن تنقذ الحق من ذهب الأمراء
أفتقدر أن تنقذ الحق ثرثرة لشعراء ؟
السلام عليكم ورحمة الله وبركاته
إن شاء الله هنقدر
وإن شاء الله هنعمل حاجات كتير جميلة ومفيدة ومتعملتش قبل كده
أنا بقول كده لانى شايفة نسبة وعى كبيرة فى المجتمع وخاصة بين المدونين وهم فئة غير قليلة
وربنا معانا
خالص التحية يا إيمى
سالى
أول ما سمعت كلمة مدونة كانت في رمضان بس مش بمعنى مدونة المفهوم الحالي
في رمضان كالعادة نفتح إذاعة القرآن الكريم و نسمع الراديو و كانت الدكتور هاجر سعد الدين رئيسة إذاعة القرآن الكريم تقدم برنامج عن أعلام الفقه الإسلامي
و بدأ الشيخ يتناول مدوّنة الإمام مالك برواية الإمام سحنون القيرواني
وهذه كانت أول مرة أسمع فيها كلمة مدونة و طبعا المفهوم مختلف و إن كان قريب إلى حد ما و لكن الكلمة بمالمفهوم السابق من كلمة التدوين و الذي قام به الإمام سحنون عن الإمام مالك في تدوين أحكام الفقه المالكي
أما المدونة الآن فهي نافذة من لا نافذة له و صوت من لا صوت له و هي المتنفس الوحيد على العالم
هل كنا نتخيل أن تنتشر أفكارنا البسيطة و أحلامنا و يعرفها الآخرون و يعلقون عليها
تحياتي
ممكن نقدر بس فى حاله اننا اتحدنا بجد
واصرينا نعمل حاجه صح
تحياتى ليكى سومه_87
تحياتي للموضوع الجامد ده
واعتقد ان لو اتجمعت القلوب والنوايا ثم الافعال لاستطاعت اي مجموعة فعلا ما تريد
ويد الله مع الجماعة مادام خيرا
اشجع كل من له راي وفكر وعزيمة ان يجاول ولا يياس من الظروف التي تحاول عرقلة كل ما هو جميل وصحيح في مجتمعنا هذه الايام
تحياتي لكل من ذكرتي في موضوع ممن يحاولون التغيير بابسط الطرق
تحياتي لك
أنا مش عارفه انا جيت عندك قبل كده و لا ديه اول زيارة
المهم انا عرفت بالمدونه من فاتيما عامله بوست
انا النهارده كنت مع خيخة و قلتلها نفس كلامك اللى فى البوست
قلتلها بالحرف
انا لما دخلت التدوين اكتشفت ان فيه ناس كتيره زيي...مش عاجبها حاجات معينه...و سلوكيات معينه
و قلتلها المشكلة فى الناس لازم يتعملّها دروس زي محو الاميه..لاعادة السلوكيات الصحيحه
لان السلوكيات المستحدثه..ماهو الا مخطط مرسوم و احنا بغباءنا بنفذه من غير ما نفكر
فبالتالى احنا بنئذى نفسنا بنفسنا
من غير ما نحس
ممكن نتغير و ممكن نكون احسن بكتير..لو نجحنا فى ان الجيل بتاع التدوين من الدكاتره و المدرسين و التلامذه و المهندسين
كلهم بدون استثناء....عملو على..بث الصفات و السلوكيات الحميده فى الدائره المحيطه بهم
و لو كا واحد عمل كده...الدنيا كلها حتبقى احسن
بصي يا ايمان
العالمالافتراضي اللي هو التدوين ببيدينا جزء من انسانيتنا الغائبة
يعني انت عارفة لو عايزين يعذبوا حد بيحبسوه
و لو بيمعنوا في التعذيب بيحطوه في سجن منفرد علشان يبقي لوحدة
اعتقد ان النت خرج كل واحد من سجنة المنفرد دا و خلاة يتكلم مع ناس بتفهم فكره اللي مش لاقيه برا
الكلام بادية تغيير الافعال
شوية شوية الوعي هيزداد و هنقدر نغير
و اعتقد ان كل واحد لازم يبدأ علي المستوي اللي يقدر عليه
و لو مقدرش
يبقي يستحسن انه ينط من المركب قبل ما تغرق بركابها ,لو قدر ينط يعني
ربنا ييسر الحال و يسترها علينا من عنده
شخابيط
*********
طبعا نقدر..لوكل واحد فينا بدء بنفسه
طبعا نقدر..لو غيرنا ما فى انفسنا و اخلصنا النيه لله
طبعا نقدر..لو استطعنا ان نجيد العمل الجماعى
تحياتى
عارفه يا ايمو
احنا لو بجد ابتدينا نتجمع ونقول ونعبر عن اللي جوانا .. هنقدر نعمل مليون حاجه مع بعض
ايد لوحدها ماتسقفش بجد
بس الاهم اننا نخرج من حالة القوقعه اللي بنحبس نفسنا فيها من خلال شاشات وكيبوردات
نتحرك ونعمل حاجه .. وان شاء الله هنعمل
من فتره كانو المدونين خايفين يتجمعو وده لان معظم التدوينات كانت سياسيه وفيها اسلوب عنيف في الخطاب .. ان ما كانش اسلوب فيه شتيمه صريحه .. وبالتالي كل اللي بيدونو كانو بيخافو يتجابو في الرجلين
انما دلوقتي في حالة حوار في مختلف شئون الحياه
في السياسه وفي الفن وفي حياة الافراد بشكل شخصي او بشكل عام
في هموم جوانا وعايزين نقولها ونتناقش فيها ونوصل لحلول
وطول ماحنا بنكتفي بالمواضيع والتعليقات يبقى المشاكل دي هتفضل ومش هتتحل
لازم نخرج ونتناقش بحالة حوار مباشر
ملحوظه
انا اقل من اني اذكر وسط الناس الجميله اللي اتكلمتي عنهم .. دول كلهم وانتي اولهم على راسي من فوق والله
وربنا يارب يسعدك ويكرمك ويبسطك ويوفقك ويرضيكي دنيا وآخره يارب
سلامووووووووز
صديقتى
مدونتك جميله
وانا مقتنع بكلماتك
تحياتى
نقدر يا ايمان وانا شايفه ان ده بدا يتحقق دلوقتى الحمد لله وبدات الناس تسمعنا كويس قوي
مش قادره اقولك كمية الناس اللى بتسالني دلوقتى يعني ايه مدونات ويعني ايه تدوين
وبكون مبسوطه قوي وانا بجيب سيرتك وبقولهم يدخلوا عندك ياخدوا حبة امل وكلام يغذي العقل قبل الروح
وبعدين تعالي هنا
فين تاج الاحلام انا عماله ادور عليه مش لاقياه لاني كنت مخزناه عندي وراح
ابعتيلي الاسئلة تاني
يلا انا حضرت ورقه وقلم
اذا صدقت النوايا يسر الله السبل
المجددة المبتكرة فاتيما
نورتى المدونة ودايما صاحبة مبادرة
ووبعدين انا اللى شاكره لك على التضامن الاخوى فى تساؤلى اللى بطرحه
وضربتى مثل ازاى ممكن نكون مع بعض
فعلا كتير من الناس بتعرض مشاكلها
وبتكون فرصة يمكن لتلافيها
وبتكون فرصة للتنفيس
أو فرصة لحلول الواحد مش واخد باله منها
وجهة نظرى
نورت المدونة
وياريت يكون فعلا اللى بتقوله دى يأثر
ويضعونا فى الاعتبار
ونكون قدرنا نعمل حاجة فى العالم الافتراضى
معرفنش نحققها فى الواقع
تحياتى وتقديرى
مهيج الجماهير
أنا اللى بشكرك لتواجدك فى شخابيطى بس يا ترى يا فندم اى جماهير انت مهيج له
شكلك كده أهلوى
دى بردو وجهة نظر....فكرة ان
المدونة متنفس ...بعد ما كنا بتعبأ
فقط بكل ما نقرأ ونسمع ولا نعرف مع من
نتواصل ونتناقش
تحياتى وتقديرى
بطوط حبوب
يا دكتور المستقبل انا متابعاك وان كنت لسة معلقتش عندك ومدونتك جميلة وخفيفة الظل
يا فندم انا مش هقول تشاؤم
بس هقولك ان اصحاب الحق عشان يبقوا اصحاب حق حقيقى لازم يبتلوا
وده أجره عندنا ربنا أكيد كبير
وربنا ينور طريقنا ويرينا الحق حقًا ويرزقنا إتباعه والبطل باطل ويرزقنا اجتنابه
تحياتى وتقديرى
حاجات جوايا
منورة يا فندم شوفتك مدونتك وليه
قاعدة رايقة على موضوع دمياط
طبعا فى وعى ويارب يزيد ويكبر
ويستمر
تحياتى وتقديرى
ثروت
بشكرك على المعلومات الثرية
وده وجه من الوجوه اللى انت
غملتها بإنك أمدتنا بمعلومة
وأتمنى تكون المدونات دايما نافذة
ثرية ومتفعلة دايما
تحياتى وتقديرى
واحدة مفروسة
منورة المدونة
طبعا انا عارفة انى مش لوحدى بفكر فى ده وفى كتير عندها نفس الاحساس والفكرة
وعندها وعى وعايزا تعمل حاجة
وانتى برافو عليكى قولتى جملة مهمة
جيل التدوين
اللى ممكن يكون عالم مؤثر مش على مستوى الفكر ولكن السلوكيات ايضا واوحيتى ليا بفكرة هقولكم عليها
بعد البوست ده
تحياتى وتقديرى
سومة ...مجنونة فى بلد عاقل
نورتى يا سومة شخابيطى
وهبقى ادخل مدونتك اشوف حكاية البلد العاقل دى
احنا بتفاعلنا ده فعلا متحدين
بس يمكن عايزين نعرف اكتر نكون متفاعلين
تحياتى وتقديرى
kochia
نورت المدونة عندك حق فعلا لو اتحدت
القلوب والنوايا ثم الافعال أكيد هنعمل حاجة وانا بضم صوتى لصوتك وبحى كل الناس اللى ذكرتهم فى البوست وكل اللى لسة مش عارفهم وبيحاولوا يغيروا
ولو بأبسط الطرق
تحياتى وتقديرى
شمس الدين
نورت المدونة وشكرا على رأيك
يارب نقدر ننقذ المركب ومنضطرش ننط منها ويارب يكون الكلام هو بداية الافعال
تحياتى وتقديرى
سووووووو
نورت المدونة وطبعا مش اقل ولا حاجة وبلاش تواضع وربنا يوفقك لكل الخير
انا متهيألى فعلا عملنا وهنعمل زى ما بتقول إن شاء الله
بظهور كتاب غادة ورحاب وظهورهم فى العديد من البرامج
بظهور لماضة فى احد البرامج
بظهور كتاب المدونين ككتاب يؤلفه الشعب
واحلى حاجة فى الكتاب وان كنت لسة مشوفتوش فكرة تجميع اكتر من مدون
والباقية تأتى بالخير إن شاء الله
تحياتى وتقديرى
snohe
نورت شخابيطى المتواضعة ومشاركتك
بعمدك وتواجدك
وبشكرك على رأيك فيهاويارت تنورنا دايما
تحياتى وتقديرى
لموضة حبيبتى
نورت شخابيطى
فعلا عندك حق
سمعنا الدنيا بينا بناس زيك جميلة
وزى غادة ورحاب
ويارب دايما نستمر
قالولى بقى مين الناس اللى قولتهم عليا وجبتى فى سيرتى معاهم
اتراينى بقول بشرق ليه
تاح الاحلام عينتينى حاضر
هو عبارة عن خمسة احلام كنت بتحلميهم فى الماضى وخمسة فى المستقبل
وشخصين مواجدين فى حياتك وكنت تتمنى وجودهم
وشخصين مش موجودين وتتمنى وجودهم فى حياتك
ها لحقتى تكتبى
تحياتى ومحبتى
الطائر الحزين
فينك من زمان نورت شخابيطى
عندك حق
ربنا يرزقنا صدق النوايا والعمل والقول
تحياتى وتقديرى
طول ما احنا بنحاول وكلنا مع بعض اكيد هانقدر نغير الواقه ولو كل واحد حرك جزء هانقدر نغير المسقبل كله باذن الله
تحياتى ليكى
ايه ده هو انا مهمة اوى كدة عشان ييجى اسمى مع الناس الجامدة دى
دا انا لو اقولك اللى بيحصل يوميا فى الميرى بس ربنا ستار حليم
البت لماضة لو سالتيها هتقولك مهاذل
ايوة عايزين نغير حاجة بس اية اللى بايدى و حتى لو برجلى كمان هعملة
يا ايمان كلنا هذا الرجل و صدقينى اللى بادية حاجة بيعملها فوريره من اول الخناق الى انه يطلع من جيبه
سلامى ليكى و لكل من يحاول ان يحدث تغيير
د.عمرو
يارب إن شاء الله نكون جيل افضل
ويتغير المستقبل للأحسن
تحياتى وتقديرى
عزيزتى د.مروة
ايوة يا فندم مهمة طالما قلبك عمران خير وعايزا تعملى حاجة حلوة للناس
وبعدين مش محتاجة تقوليلى اية اللى بيحصل فى الميرى لأنى أنا من البلد دى
أدينى بفكر ممكن نعمل ويارب نصل للخير
تحياتى ومحبتى
ماشاء الله كل الناس الى حضرتك ذكرتيهم مدونين كبار ومهمين فى عالم التدوين
والتغير هيحصل هيحصل
وقادم قادم
ولكن لابد له من خطوات تجهيزيه
واخشى ان يتتحقق الحلم ونحن بعد لم نكن جاهزون لاستقبال هذا الحلم
تحياتى
ان اشاء الله هنقدر
ممكن
نورت شخابيطى
إن شاء نقدر نحقق ونكون جاهزين
تحياتى وتقديرى
muisc lover
إن شاء الله نقدر نعمل حاجة كويسة
ولو كانت اننا نكون اصدقاء بجد
ده فى حد ذاته انجاز للجميع
تحياتى
فعلا كلهم
يستحقوا التقدير
و الاحترام
تحياتي
يا عاشقة الحب
نورتى شخابيطى
وهم فعلا يستحقوا كل التقدير
وربنا يكثر من أمثالهم
تحياتى
عندك حق
كل واحد بيعمل مدونة اكيد بيكون دماغه فيها حاجة عايز يقولها
دمتى بألف خير
إيمو
يا جميلة
اخبارك إيه الأيام دى غطسانة يعنى ؟؟
مشغولين فى الكنترول مش كدا ؟؟
طب ربنا يخلص الأيام دى على خير
و تكونى دايما فى احسن حال
أنا بس قلبى كلنى عليكى
و قولت أعدى أسلم
تحياتى يا حبيبتى
إيمو
أنا جاية أطمن تانى
تغريد قاللتى إنك مشغولة حبتين دلوقتى
أنا بس حبيت اسلم
و أقولك
وحشانى قوى
سلام مؤقت لحد ما تفضى بقى
امممممم مدونة اخرى بأسم شخابيط ،،،، كويس بقينا اربعة لغاية دلوقتي
يا محاسن الصدف
D:
إيمو
أخبارك إيه يا حبيبتى
يا رب تكونى بخير
و بابا كمان يبقى بألف خير
طمنينا عليكى لما يبقى عندك وقت بقى
تحياتى يا حبيبتى
أبنتي الغالية / ايمان
أفتقدك كثيرا غيابك عن عالمنا طال
عسي أن يكون المانع خيرا
دمتي لي أبنة غالية
إرسال تعليق