أرجوك دعنى أتنفس

هناك كائنات بشرية هكذا تزعم ربنا لا يكثر أبدا أبدا من أمثالهم دائما ما يضعونك فى وضع الدفاع عن النفس

والتبرير فأنت دائما وأبدا متهم فلقد خلقت لتكون متهم وهم قضاة هكذا نصبوا أنفسهم .... فأنت دائما غير مسئو ل.متواكل ..

وإن كنت مسئول فأنت مبتعرفش حاجة فى الذوق وإن كنت مسئول وذوق

....فأنت سحنتك لا تعجبهم ...لانك مثلا دائما مبتسم لأن مفيش حاجة تستدعى الابتسام

أو صحيت لية أصلا من النوم وورتهم وشكك ..

يعنى أنت باختصار جيت الدنيا غلط لمعاناتهم معاك

لان لا سبيل لاصلاحك مع أنك لا طلبت نصيحة

ولا عايز تقرب منهم من أساسه...

.وراضى بنفسك العجيبة المتعبة زى ما هى كده ..لكن تقول اية إنهم رعاة الخير والمعروف والمسئولية فى الحياة وأنت أحد الرعايا اللى مغلبهم ودايما على البال وفى الننى .يعنى من الأخر قائمة الاتهامات دايما جاهزة ومليانة بسبب ومن غير سبب الناس دى حقيقى بتحسسنى بأن الاكسجين اللى فى مكان بيتسحب مش شوية

شوية حتى لا ده مرة واحدة وأنى أكاد أختنق موتًا

...وللأسف مواجهتهم لك إن كان هناك شىء يستحق المواجهة ليس معناها الوصول الى نقطة التقاء...

ولا مجال للحوار الهادىء للتفاهم ...وإنما هى للمجادلة والمجادلة ليس إلا..

..ومن هنا سأطلق شعارًا لعلنا نكون حملة فى المستقبل نصد بها هذه الكائنات وهو إن كان من حقك أن تكون ....... فمن حقى أن أتنفس