اعتقدنى وبلا خجل منكم مازلت اقف عند مرحلة الطفولة
فى ذوقى وفى أغانيى المفضلة جدا والتى لا استطيع أن أصف لكم ماذا يحدث لى
عند سماعها سوى إننى تتلبسنى حالة انبساط وفرح غير طبيعي
.يعنى طبيعى جدا ومن غير ما حد يندهش
تلاقونى لو سمعت أغنية ايمان البحر درويش .
على سبيل المثال..اجرى اسمعها واسرح فى دنيا تانية واعيد وأزيد فيها
أو أغنية البنات للفنانة سعاد حسنى التى تنقلنى الى
جو حفلات المدرسة السنوية.الابتدائية وهند صاحبتى اللى كانت دايما
بطلة الحفلات والفساتين البيضاء ..وتدريبات مدرسة الموسيقى
للبنات المشتركات فى العرض والحفل المدرسى
الذى أعشقه منذ الطفولة وحتى الآن
عندما اراه فى الحفلات التى تعرض فى التليفزيون
أو لو سمحت لى الفرصة ورأيته فى أحد المدارس
وأجدنى اتذكر اننى لو أكن اقوم بالتدريس
لكانت من أحد المهن التى كان يمكن أمتهنها هى تدريس الموسيقى
وتنظيم حفلات المدرسة
ودلوقتى تلاقوا عندى الاغانى دى
ومن وقت للتانى مصدعة الدنيا حواليا بيها
اوفى العربية عندنا شريط فى أغانى سعاد حسنى
لهذه الأغانى اللى بحبها جدا جدا
وبردو بسمعها رغم استغراب محمد أخويا
.
وقوله لى مش كفاية كده يا حبيبتى نشوف حاجة تانية
....سمعنا كفاية بقى
هناك 3 تعليقات:
كلماتك لمستنى جدا ..مافيش اجمل من ذكريات الطفولة بجد
تعرفي الاغاني اللى ليها ذكريات من الطفولة بالغالب ما بتفقد تأثيرها رغم انها ممكن تكون لكتير حوالينا عادية ..
اغانى صفاء ابو السعود فى الاعياد بشعر فجأة لو شفتها انى رجعت المدرسة
اسعدنى مرورى كتير و دمتى بكل خير و ود
د. إيمان
الإنسان دائما مرتبط بأشياء كثيرة في
حياته و خصوصا الأيام الأولى فترات الطفولة هي التي تشكل ملامح ذلك الكيان المخلوق الجديد الإنسان
لذلك كثير من الكلمات تظل عالقة و كثير من الأفعال كذلك و هذا يتضح جدا في حفظ القرآن الكريم مثلا لأن الكلمات المقدسة أكثر التصاقا بخلايا الدماغ الندية الطرية التي لم تلوث بعد
كذلك ترديد كلمات الأغنيات التي يرتبط معها شعور بالفرحة منذ الصغر تظل في الكبر محببة للنفس لأنها ارتبطت بذكريات سعيدة منذ البداية
و نحمد الله أن جهل لنا نعمة النسيان و قرنها كذلك بنعمة استرجاع الذكريات
أجمل الذكريات ذكريات الطفولة
فلكل غنوة موقف ارتبط في أذهاننا و أصبح جزءا من حياتنا و ذكرياتنا
لا تحرمينا ذكرياتك
سيدتي الفاضلة
من منا لاا يريد ان يرجع الي طفولتة
بكل ما فيها من لعب وفرح واعياد وعلي
فكرة انا واخواتي مكناش ننام ليلة العيد
من الفرحة ونفضل نحسب مين هيدينا
العيدية علشان نعمل دراسة جدوة ههههههههه
لمصاريف اليوم ناجر بسكلتات ملااهي
بفتكرها ذي امبارح وصدقيني ببكي لما
بفتكر ذكريات الطفولة وكانت من احلي
برامج التليفزيون المصري وقتها للاطفال
لو ترجعي بذاكرتك شوية
اليس في بلاد العجائب
ماما نجوي وبقلظ
توم وجيري
فطوطة في رمضان
ههههههههههههههههههههههه
وشكرا لكي لانك رجعتيني شوية
لتذكر طفولتي دومتي بخير
إرسال تعليق