أستقبلت عامى الميلادى الجديد منذ أيام قليلة
وأضيف لى شمعة أخرى إلى باقى أخواتها بغير تورتة عيد الميلاد
وأصبحت على وشك الثلاثين تلك المرحلة العمرية
التى أشعر بأنها دخيلة على مرحلة تشعرنا
بأننا أصبحنا كبار .ماذا على أن أفعل أو أكون أو أحقق فيها لا أعرف
تلقيت اتصالات غير متوقعة أسعدتنى لأصحاب
لم أكن أعرف أنهم مازالو يتذكرون تاريخ ميلادى
قضيت ليل يوم ميلادي بلا ترتيب
أو قصد منى أو منها بجانب حديقة الجندول
صدفة تكررت للعام الثانى على التوالي أن أكون معها فى يوم ميلادى
ترتيب قدرى له دلالة تسعدنى مع صديقتى فيفى
التى تنسى تواريخ ميلاد أصدقائها كعادتها
يخجلها ذلك ويسعدنا ونحبها بنسيانها
جلست جلسة جميلة على النيل رغم كونها ساعة واحدة
بإصرار من صديقتاى إيمان ورحاب احتفالا
بهذا اليوم تلقيت هديتهما غير المألوفة فجأتنى وأسعدتنى
ضحكنا من قلوبنا تقاسمنا بعض من القلق والحيرة
وبينى وبين نفسى حاولت التصالح ونويت
وعزمت وتمنيت أشياء أظنها جميلة
يارب خير يارب أنر طريقى وقدر لى الخير حيث كان
هناك 6 تعليقات:
no way لازم الهانم تقول لمصر كلها انى بنسى تواريخ الميلاد يا جماعة
سورى يا ايمان بس يا جماعة السنة الى فاتت كانت عندى اوكيه واحنا خارجين قالتلى ان النهاردة عيد ميلادها وكان الاشية معدن وزى الفل وجبتهلها عروسة بابت تحفة الى كلها لزق دى ورجول طويلة اوى مش عارفة ليه وعادى يعنى يا جماااااااااااااااااااااعة جبتلها هدية
بس السنة دى بجد هى فكرتنى بعد ما روحنا وكنت كتير مكسوفة لكن الجميل بئا ان تانى يوم كان
عيد ميلا شيماء زميلتنا وعملت فيها البت الفاكرة بئا مع انو والله العظيم يوم مش ممكن انو يتنسى هو يوم ضرب المركز التجارى الامريكى 11 سبتمبر تقريبا ولا 13 والله العظيم بردو مش فاكرررررة هههههههههه وبعتلها رسالة على الموبايل ولحد دلوقتى مرنتليش حتى هههههههههه
كل سنة وانتي باجمل صحة و عافية
ريهام
اولا كل عام وانتي بخير وانتي الخير لكل عام، اعوام مضت واخرى ستأتي باذن الله ادعو الله لك فيها بالصحة والستر وهدوء البال
ثانيا :شكرا لك يا احلى ايمي في الدنيا على زيارتك الرقيقة لبيتي الصغير سعدت بك جدا ،،نورتيني بجد
ثالثا: يوم الميلاد يوم بعد العم العشرين يكون له في كل عام مذاق مختلف ،يوم يطوي معه عام بأكمله بأفراحه واتراحه قد يسعد صاحبه ويأنس بالاصدقاء في ذلك اليوم وقد يؤثر ان تمر عليه الذكريات ولتكن اذاً ساعات الحساب مع النفس الى ان يتم الصلح بميثاق جديد لعام جديد
ويمضي يوم اليلام ويله يوم اخر ولا تبقى سوى الذكريات تخط بألوانها فوق صفحة الايام ،،تحياتي لك من القلب
السلام عليكم ورحمة الله وبركاته
كل سنة وانتى بالف خير وسلامه ,
طب والله انا مش مصدقة انك في الثلاثين ومع ذلك الثلاثين حاجة ماتخضش لسه في العمر كتيييييييييييييير باذن الله تقدري تحققي اللى ماحققتيهوش في السنين اللى فاتت, وبعدين لما يبقى عندك 30 سنة وحولك كل الناس اللى بتحبك دى , ده في حد ذاته انجاز يوجب عليكي الشكر للسنين دى انا عن نفسي بشكر سنين عمري اللى عرفت فيها انسانة رقيقة زيك وربنا يباركلك
تحياتي
سهام
صديقتى فيفى ... ولا تزعلى مصر بردو كلها عرفت انك جبتيلى عروسة ولو ركزت هتلاقينى حاطها فى العربية..مع حبى ومودتى
ريهام الجميلة اللى فاتحة نفسى دايما كل عام وأنتى أجمل ودايما معاى... كل الشكر والمودة
نورسين ...مدونتك تستحق الزيارة بجد هايلة وكلماتك تلقائية ورقيقة وكل عام وانت بخير ويارب أيامنا كلها تكون بركة وخير ونورتى مدونتى بس ياترى مين نورسين انا قريت بيقولوا مروة ياترى مروة حلمى...
تحياتى مودتى
سهام العزيزة ...فينك من زمان طمنينى عليكى خجلت بجد من كلماتك الرقيقة ..من كونك تشكرين سنين العمر لأنك عرفتينى أنك اللى بشكر ربنا أنى الحمد لله أنعم عليا بناس بحبها وانتى منهم أتذكرك دائما بالخير وعلى فكرة يا سهام كبرتينى لسة بقى لى على الثلاثين
نقطتين..خلينا نحس اننا لسة صغيرين
..تحياتى ومودتى
كووول سناااه وانتييي طيبههه ياأمووونه
معلش وصلت متأخر برضه، بس مش مهم، المهم إني أقول أبو الفصاد كبر وكبرت أحلامه،يارب يحقق أحلامه ويسعد أيامه
هابي بيرث داي ياأمونه
تحيات يوحبي
إرسال تعليق