هرجع لوقت من زمان أوى وأنا فى سنة ثالثة ابتدائى
ومع ذلك قريب منى ولا أشعر ببعده عن قلبى ونفسى
وتحديدا يوم ما كنت أذاكر مع أمى أمام البلكونة على منضدتى الصغيرة
درس القراءة للأرنب الساخط على أكله اليومى من الخس والجزر
وسخط والدته من هذا التمرد الذى يعلنه الأرنب الصغير ورجوعه للحق فى الأخر والخس والجزر
ومع ذلك لا أعرف لماذا كنت أتضامن معه
ولا أشعر أنه مخطىء بأن يغير نوع طعامه
لدرجة إنى كنت أبكى لأمى واقولها حرام يا ماما كل يوم ياكل خس وجزر
وعندما كبرت وعرفت أن الملل والسأم ليس من الطعام فقط
تذكرت الجملة وأصبحت أرددها عندما أزهق وأضيق بالروتين اليومى
وتكرار نفس الأشياء
تضحك أمى وقتها............. وتقول لى فاكرة
طبعا يا ماما فاكرة عمرى ما هنسى طول فى مللللللللللللللللللل
هناك 9 تعليقات:
الخس والجذر مش وحشين أنا بحبهم
وماعنديش مانع أكلهم كل يوم
من غير ملل
عشان هيبقى جنبهم ما لذ وطاب طبعا
رمضان كريم
سلام
طالما ارتضينا بالحياة فلابد لنا ان نرتضي بمشتاقاتها ومنهم طبعا الملل الملل من كل شىء يتكرر يوميا و بنفس الاسلوب و بنفس الطاقة و بيزيد عليه شوية خبرة كل يوم متشابة مع باقي الايام نادر لما تلاقي شىء متجدد المتجدد الوحيد ابتسامتنا امام جرعة الملل اليومية .
و لكن عليكي بتزيين الملل كي تعبري منه سالمة قد شعرت به لفترات ولكني تعايشت معه و مع روتينة القاتل فبحثت عن مشاغل لعلها تشعرني بالتجديد
خس و جزر ممكن تكون جزر وخس اهو تغيير اليوم الثلاثاء كل شىء متشابة مع السابق له لكن ممكن يكون تغيير في اسلوب استقبال اليوم او الوصول الى مكان ما او اي شىء بايدينا التغير حتي لو كان صعب .
مبروك على العربية انا اول مرة اعرف بالمناسبة قوليلي هدية تصلح لعربية صغيرة اسمها فيروز ممكن.
افكارك رائعة و بجد في مخزون جميل لديكي سيساعدك في كتابة المزيد و المزيد
همسه
أيوب رماه البين بكل العـــــــــلل
سبع سنين مرضان وعنده شلل
الصــــبر طيب .. صبر أيوب شفاه
بس الأكـــــــــاده مات بفعل الملل
عجبي !!!
العزيزة ايمي سعيدة بإضافتك لي في مدونتك الرقيقة واشكرك ايضا على اطرائك وتشجعيك
نسيت اقولك امبارح اني بحب "بووو" جدا وان الصورة مناسبة لرقة المدونة وتعبيرتها العميقة
اما عن الملل ففي راي هو اول خطوات الاكتئاب ما لم نكسر حدته على المدى اليومي وفي الحقيقة اننا قد نمل من امور في اوقات ما وقد نعشقها في اوقات اخرى فالملل ينبع من انفسنا ،نحن من نخلق املل ونسمح له ان يختلط بدمنا ويزيد من اكسدته والى ان نشعر ان هواء يحيط بنا فنمل حتى من انفسنا ذاتها فليذهب الملل ومسبباته ومظاهره اللعينه الى الجحيم ولنقنع انفسنا بالرضا التام والاستمرار المتجدد ولنفاجئ انفسنا بالتحديات ولنمنحها على الفوز بعض الهديات
وبرغم ذلك يقتحمنا الملل بسخريته" ويدلدل لسانه ويقول أأ أأ انا هنا "
لم يسعدني الحظ بأن اجلس امامك في معمل قسم المكتبات في الكلية الا اني بمجرد النظر الى وجهك الصبوح الهادئ كان يشعرني بالراحه ، لم يكن بيننا سوى سلامات وسريعة وامنيات بالخير العميم ، وحشتني مروة حلمي وانتي كمان بتوحشيني كتير من وقت للتاني
يآآآآه على الوقت والسنين لما بيعدو في غمضة عين
تعرفوان الملل ده ممكن يكون نعمة ...عند بعض الناس ,,اللى بيقدروا فعلا يستفيدوا من كل شئ فى حياتهم حتى لو كان نقمة بيقدروا يحولوه الى نعمة بمعنى ان الانسان ممكن يخلق من الملل شئ يرتقي بيه ومش اي حد يقدر يعمل ده- وقال الفيلسوف الانجليزي المعاصر " راس " إن القدرة على احتمال الملل أمر ضروري للحياة السعيدة "منقوووووووول-يعنى اللى يشعر بالملل لازم يحاول يغير طريقة حياته وعاداته -اللى قادته الى الملل -الى الاحسن طبعا. وانا من رايي ان الملل عند بعض الناس ممكن يحول حياتهم الى الاسوا ودول دايما بيبقوا ضغاف النفس
اتمن لكم حياه ....
سهام
الخس والجزر
الملل والسأم
التكرار
الدائرة الجهنمية للوجود
حين قرأت مثلك هذا الموضوع في الابتدائية، لم أنسه طوال عمري، لأنه تكرر معي في العام 1967 حين التهجير وأضطررنا لشهور طويلة أكل الخبيزة والقلقاس، زكنت أتذكر الأرنب الغضبان، لكني لم أستطع الغضب، لقد تعلمت من التكرار الإحتمال، احتمال التكرار والنظر فيه، وفي النهاية الخروج بالحكمة، لكن تعرفي أنا بحب الخس والجزر، ولم أرى فيهما أبدا تكرارا، رأيت فيها مصدرا للحياة، أما الحياة نفسها فتسكن هناك في الدماغ، وصحيح أيضا أن الحياة لن تكون إلا بلحظات التفرد..
معلش واضح إني اتأخرت كتير
تحياتي وحبي الدائمين
4Xmisr
وأنا كمان بحب الخس والجزر حتى من غير ما لذ وطاب نعمة وفضل ...شرفتى مدونتى وكل سنة وانت طيب
الى العزيزة.ريهام صحيح الملل هو حياتنا ..والتجديد هو طريقتنا فى رؤية الأشياء..والتعامل معاها عشان كده بحاول ميبقاش كل يوم خس وجزر ..يوم خس لوحده يوم جزر ..يوم زى ما قولتلى جزر وخس... دامت لى أرائك التى تزيد موضوعاتى عمقًا
أما بالنسبة لفيروز ممكن هدايا كتير
ممكن اى عروسة تعلق بالعربية وفى بووو وبينكيو وشخصيات كرتونية أمورة كتير وفي ممكن علبة شرايط لأى دعاية ممكن صاحب فيروز يحبها ..أو أشكال حلوة بتوضع على رأس كرسى العربية والأجمل مصحف بسلسلة للعربية...أشياء كتير حسب ذوق صاحب فيروز ومبروك عليه وربنا يكفيه شرها...تفتكرى أنا بقى اسمى عربيتى اية ؟؟؟
تحياتى ومودتى
العزيز المجهول... بس الأكـــــــــاده مات بفعل الملل
عجبي !!! عندك كل الحق...الملل هو السم البطىء الذى يتسلل إلى قلوبنا وعقولنا
تحياتى
الرقيقة نورسين...ثقافة التجديد ومنح الذات بعض الجوائز والرفق بها لم أكن اعرفها وامارسها من قبل ولكنى أحاول كما سبق أن قلت لريهام,, صحيح لم تسمح لنا الظروف فى الكلية بالتعرف أكثر ولكنى أعتقد انها جاءت من خلال عالمنا عالم الكلمات والمدونات ..التى تجعلنا نعيد إكتشاف مناطق جديدة في من حولنا,,,دامت لى زياراتك
تحياتى ومحبتى
سهام العزيزة الحكيمة ...ربنا يجعلنا ممن يحسن استغلال النعم والظروف...ونفسى اشوفلك مدونة ...قريب قولتها لريهام وباين هتعملها لما تجيب ندى وتسمي المدونة ندى...
تحياتى ومحبتى
أستاذى العزيز د.زين ..تنور فى أى وقت المهم الاقى رايك منور عندى...مازلت اتعلم منك وإن لم أكن أمامك فى صفوف الطلاب..فعلا زى ما قلت
احتمال التكرار والنظر فيه، وفي النهاية الخروج بالحكمة...وعلى فكرة أنا بموت فى الخس والجزر لا تقلق
تحياتى وتقديرى
هههههههههههههه انتى عسل
اولا لانك فاكرة درس من 3 ابتدائى انتى والدكتور زين كمان ههههههههه لا بجد جامدين
الملل بتاعنا ياريتو اكل نغيره او ما شابه
الملل عندنا فى طريقة الحياة الى اتبعناه غصب عننا مجبرين يعنى
بس بردوا الملل دا بيكون مجرد حالة طبيعية جدااا وبتعدى
وبندخل على حالة تانية وبردوا بتعدى وهكذا
تعملت من الحياة انها مجموعة حالات متداخلة
حالة حب - حالة جنون- حالة تمرد- حالة ملل - حالة تصالح مع النفس - حالة رغبة شديدة فى الحياة - حالة سخط - وحااااااااااااالات كثيرة هنمر بيها هنمر بيها لا محالة وليست مرتبط باى حاجة لان كل انواع البشر بمختلف عادتهم او ثقافتهم بيمر و بيها
فلا بديل
إرسال تعليق