بعد عشرة وزواج دام 25 عام أنفصل زوجها عنها
بعد رحلة طويلة من الكفاح والحب
..ألمها ذلك أشد الألم ...
كتبت معاناتها فى كتاب ونشرته
ولم تكن يومًا كاتبة
ربما لم يكن ذلك سهل فقد كتبته بدمها وعصارة الألم
أصبح ذلك الكتاب أفضل وأكثر الكتب مبيعًا فى الولايات المتحدة
فى عام نشره
يبدو أن الألم يفجر أشياء وابداعات لم نتوقعها
ولم نعرفها عن أنفسنا
و أن ما بالقلب يصل لقلوب الناس بسرعة ليكون الكتاب
من أكثر الكتب مبيعًا فى الولايات المتحدة
بس ياترى هذه السيدة ماذا كان إحساسها وقتها
فرحت بما وصل للناس
وبالشهرة والمال
أم زادها الأمر المًا
ودايما بيكون عندى سؤال له أكبر علامة استفهام
اية اللى بيوصل علاقة لها هذا العمر
لهذه النهاية؟؟؟؟؟؟
هناك 26 تعليقًا:
انا شخصيا اعتقد ان جرحها مازال موجود ومقلش لكنه مزدش ببعها الكتاب ونجاحها لكنها اكتشفت جانب اخر فى حياتها لولا تلك التجربة ماكنت اكتشفت نفسها.. وسؤالك صعب جدا جدا جدا والإجابة عليه هتكون حالة خاصة تخص كل واحد يمر بالتجربة دى ,وساعات بيكون ظاهرة صحية ان علاقة معينة تنتهى فى وقت معين لانو لو استمر فى حيتها مش هيكون بنفس الشكل الى هى بتحبه فيه يمكن يكون اسوء .. فساعات بيكون من الافضل الانفصال فى وقت معين وحفاظ كل طرف على أخر صورة حلوة بنهم قبل ما تتشوه ويظهر اسوء ما فيها
انا عندي اجابة بسيطة على سؤالك من وجهة نظري اللي بيوصل علاقة لها هذا العمر لهذه النهاية عدم الاخلاص والوفاء وعدم معرفة كلا منهما الآخر حق المعرفة مهما طال العمر لم تستطع معرفة الشخص اللي عايش معاها وحضرتك قولتي بعد رحلة طويلة من الكفاح والحب فممكن الانسان يتغير في لحظة وميقدرش كفاح الانسانة اللي وقفت بجانبه طول الوقت وطول رحلة كفاحه بقلبها وحبها وبيقى رد الجميل انه يطلقها وده راجع لعدم الاخلاص زي ما قلت وبالنسبة لاحساسها لبيع الكتاب فهيكون عندها احساسين مختلفين أولا احساس بالحزن والالم لكتابتها ألمها وتجربتها التي مرت بها لأنه شئ صعب أوي وده السبب في نشر الكتاب وزيادة مبيعه لان ما في قلب المرء يصل لقلب غيره بسرعةوثانيااحساسها بالفرح إن غيرها هيستفاد من تجربتها
مع تحياتي اليكي ياقمر
أيوتة
العلاقات لا تنتهي هكذا دفعة واحدة
العلاقات تذبل ثم تنكمش
ثم تضمر
ثم تجف
ومن ثم يحدث الانفصال
تماما كما بين ثمرة التين
والشجرة
ولو قسمنا هذه المراحل بواقع خمس سنوات لكل مرحلة
إذن العلاقة
انتهت منذ زمن بعيد
وكل الباقي كان بمثابة تحصيل حاصل
أعتقد أن التخلي عن أشياء قديمة
يسمح بدخول أشياء جديدة مكانها
وهذا نفس ما يمنعنا من الجلوس على كرسي
أحدهم جالس عليه
تحياتي
صديقتى صاحبة السفينة...مش عارفة ده حالها ولا لأ وياترى محتفظة بصورة حلوة ولا اية اخبارها
تحياتى ومودتى
مرحبا آيوتة الجميلة....
إذا كان سيعيش معها شفقة واعتبرنا
استمراره فى العلاقة رد جميل
أعتقد كان سيألمها أكثر من الانفصال
تحياتى وحبى
صاحب التأمل العبقرى التويتى
معاك مفيش علاقة تنفصم مرة واحدة
وان فى خلفيات كتير وتفاصيل
بس هذا لا يمنع أن لكل قاعدة استثناء
وممكن يكون فى تخلى وغدر من بعض الناس
تحياتى وشكرى
اشد ما يكون الناس الى جوار بعضهم في لحظات الالام فالالم يقربهم من بعضهم
ذكر عبدالوهاب مطاوع في كتاب له بعنوان صراع الديكة ان العلاقات الزوجية تشبة صراعات الديكة ففيها صراع طوال الوقت و ان هناك كتلة من الصبر يتحلي بها الزوجين الى ان يصلوا الى مرحلة شيخوخة العمر ففيها لا يمكنهما الصبر اكثر من ذلك فينهار الحب
و ذكر في كتاب اخر له ان العلاقات الزوجية تشبة العاب التكوين فاذا كان طرفي اللعبة صحيحا لتكونت و استمرت العلاقة و اذا لم نحسن اختيار الجزء الذي يكون الجزء المكمل للنصف الاول من اللعبة لنهارت اللعبة و لو بعد عمر طويل اعتقد مثله ان لعبة التكوين هذه قد تنهار فعلا و لكن اين هي العشرة و اين ذهب الحب و اين اختفي الصبر و لكن لم نعد نقف امام الامور متعجبين لحالحا فلنا ان نتوقع كل شىء الان
اما احساسها عند بيع الكتاب احساس يزيد من المها فهي لم تملك غير الالام و لو كان ممتزجا بنجاح هي فقط تشعر بان مشاعرها حقسقسة و ان المها اكبر من طاقتها و ان تعاطف الناس معها و احساسهم شيئا تريده فقط
سؤال صعب هل يرضى نشر القصة للناس ام جني المال
الاهم انها جحت ثم جرحت ثم جرحت ومها كانت الطريقة التى عبرت بها وباحت عن جرحها فيبقى الالم داخلها
وتعليقي على نشر قصتها بان ذلك الموقف لن يوقف ذبح القلوب كل يوم ولن يضمن الاخرين في الحفاظ على علاقة الحب بينهم
هذا سوف يجعلنا للدخول في فلسفة معينة في الحب ودور المشاعر بين الطرفين لكن كل ما استطيع تأكيدة
ان كل يوم سيظل ذبح قلب سواء رجل او امراة
وكل يوم سوف يولد حب جديد رائع في تكوينة
اتدري لما يا صديقتى
لأننا بشر (لسنا ملائكة ولسنا ابالسة)
تحياتي
العزيزة إيمان
التعود خطر داهم: الشيء القيم يبتذل بالتكرار، والإنسان الذي لا يجدد عنده طاقة التذكر، يفقد مع الوقت احترامه لما هو قيم في حياته، ليس فقط شريك حياته، وتعلقه الطوعي به. العادة لعن الله العادة، رحمة الله عليك يا استاذنا العظيم نجيب محفوظ.
تحياتي
ضياء
الانسان بيمر في حياته بمحطات كتير
ممكن ينزل في محطه ويرتاح فيها نفسيا لدرجة بشعه وبعدين يسمع جرس القطر بيقوللو يلا .. ورانا مشاوير كتير
اي تجربه في الحياه لو بصينالها على انها مجرد محطة ولازم نعديها ونروح لمحطة تانيه وتالته ورابعه وعاشرة .. لغاية ما القطر يتقلب ونموت
لو بصينا للموضوع بالشكل ده هنرتاح نفسيا شويه .. وهنعرف ان هي دي الحياه
حاجات تفرح وحاجات تغم
يبقى الاحسنلنا عشان نقدر نعيش اننا نفتكر لحظات الفرح ؟.. ونعيشها تاني
الحقيقه الموضوع بالرغم من بساطته وتلقائيته لكن يتقال عليه حوارات
والسلاموووووز ختامووووز
اول مره الشخابيط يبقى ليها معنى واحساس عميق كده انا اول مره ازور مدونتك جميله ومفيده فى نفس الوقت اتمنى لكى التوفيق وارجو ان تشرفينى فى مدونتى عندنا ضرب نار يا ريت تيجى وتفيدينا بارائك
هو نفس السبب اللي يخلي انسان غالي عندك يبعيك و يجرحك و يستمر في المسلسل دة رغم انه عارف قصدك و شخصيتك
ريهام
العزيزة أمونة
هناك بعض الثوابت التي تتحكم في قدراتنا الإبداعية أهمها على افطلاق الألم..الجرح الداخلي الذي لايبرأ إلا بالرغبة في السيطرة على العالم - السيطرة الافتراضية طبعا- ساعتها يتقبل الناس هذه الرغبة في السيطرة، في تصديق الحكي..يتعاطفون تماما مع القتيل..الذي كان قتيلا..
تحياتي وحبي
في كلمه princess dodo مدونه في مدونه حقل التوليب الاحمر
بتقول
سأعترف بأنانيتى
متى اعترفوا بإهماله
هل فهمتي ما اقصده تلل العلاقه التي تدوم فتره طويله ولكن لا يري احد مطلقا انه قد يكون مخطئ
العند العند
حبيبتى همسة ...لعبة التكوين ...فعلا زى ما قال استاذنا عبد الوهاب مطاوع
لو كان الاختيار صحيح ..توطدت وصح كل شىء بعد ذلك ...ولكن بردو من يدرى إن مع الوقت ان تتغير فى كل واحد منهما
ما اختاره فى الاخر ...فتتغير وتنتهى العلاقة...افدتينى برايك
تحياتى وحبى
أهلا يا سيد ...بس متهيألى وان كل فى تحيز ذبح قلب المرأة أصعب ...لأن يعنى واحدة بعد 25 سنة ..ولو مفيش أولاد
هتعمل اية ...اكيد حياتها كده انتهت
عارف لما الواحد بيتعرض للصعوبات فى حياته يمكن بيكون فى وقت لتضميد الجراح
لكن فى نهايات العمر ...يبقى كل الوقت للبكاء على الجراح
تحياتى وتقديرى
العزيز د.ضياء النجار ..بسعد دايما بتعليقاتك ...وبضم صوتى لصوتك لعن الله العادة التى تجعلنا مع الوقت نفقد بريق وجمال الأشياء
تحياتى وتقديرى
سووو ...اهلا بيك ونورت شخابيطى
رؤيتك بسيطة ومتفائلة
بس مش فى كل حاجة يا سووو
وبعدين لازم القطار يتقلب ويموت
شوفلنا حاجة تانية غير كده
تحياتى وشكرى لزيارتك وياريت تتكرر
استاذى العزيز د.زين
معاك حق وفكرتنى بمقولة لأنيس منصور معلمة معاى أوى ودايما بفتكرها
ان لا علاج للآلآم الكبيرة إلا بانتصارات أكبر وأعظم
تحياتى وشكرى
حنين ...نورتى المدونة وعميق وعميق الشكر فى رايك اللى اسعدنى عن شخابيطى أما عن مدونتك عينى هاخد ساتر واشوف حكاية ضرب النار ..وياريت تسعدينى دايما بزيارتك مستنياكى
تحياتى ومودتى
كوكا ..نورت المدونة وسعدت بالزيارة وياريت تتكرر وفهمت القصد
الاهمال شىء خفى يتسرب الينا
ومع الوقت يستفحل
من حيث لا ندرى
ومن هنا يتمسك الطرف
الذى يئن تحت وطأة هذا الاهمال
بالسعادة متى وجدها
حتى لو كانت ظاهريا على حساب الطرف الاخر
تحياتى وشكرى للزيارة وياريت نشوفك تانى
دايما الالم والحزن بيخلق وراءة ابدااع
ويمكن دة اللى خلاها ولاول مرة كاتبه
وتحقق هذا التالق
وهذا القدر الكبير من المبيعاات
لكن بالنسبة لسبب
حدوث مثل هذا الانفصال وبعد
عمر كهذا
اعتقد
انها لم تنتهى عقب انتهائها
ولكنها انتهت تدريجيا عبر السنين
انتهت وتلاشت
فى كل يوم وكل ساعة
يحث فيها تباعد فكرى
وعاطفى
وجدانى
بين اطرفين
ربما احدهم المخطىء
وربما يكونا معا دون دراية الخطا ذاته
الحب ليحيا يحتاج الحس المرهف
والقلب الحنون والكلمات الرقيقة المهذبة
الدافئة مهما يمر الوقت
ومهما يكول الزمن الحب يحتاج وان يتنفس لكى يعيش
وان ضااع فى زحمة الحياة
هوائة ذبل وتلاشى وصار قتيلااا
وللاسف هذا ما يجعل الكثيرين منانخشى الحب
والزواج
فقط الحب اشعار وحياة فى الخيال
دام قلمك رائع
أهلا يا حنان ومنورة المدونة وياريت تشرفينى دايما بالزيارة
خلاص ياستي
لو مش عاجبك القطر
اركبي عباره
او معديه
او طياره
كل الطرق تؤدي الى روما
ملحوظه:
انا مش متفائل خاااااااااالص
سلاموووووووووووووز
أحيانا يكون الالم هو مصدر الابداع ، وربما لم نكتشف ما نملكه من قبل لكنى أتسأل ترى ما السبب في ذلك ؟ وهل هى مخطئة فى حقه أم لا؟لاأعرف لكنى بالرغم من ساعدتى بأنها استطاعت اكتشاف نفسها من جديد وجدت ما تمكله من ابداع إلا أننى حزينة على ما حدث لها .أم انها طبيعة الحياة ليس في ذلك فقط وأنما أيضاً بين الأصدقاء .ما أصعب الجرح الذي يأتي من إ‘نسان تحبه وتخلص له وحتى بعد يوم واحد من معرفتك به ، فما باللك ب25 سنة . مع خالص تحياتي لهذه المبدعة
انا بعد ما قريت الحكاية دي بجد حاجات كتيرة انهزت جوايا ومش قادرة اعبر عنها الي بكلمة واحدة بس""مفيش اخلاااااااااااص " بجد محدش بقى مخلص الايام دي ,وفي كتير قصص زي الي حضرتك كتبتيها دلوقتي وكمان بتلاقي ناس بقالها سنيييين عايشة يمكن اكتر من 20 سنة وفي الاخر نلاقي الزوجة اكتشفت ان زوجها متزوج عليها بقاله 10 و15 سنة. ربنا يستر على الايام الي جاية
إرسال تعليق