اليوم كان أول ايام العيد كل عيد وأنتم بخير
وأحسن تلاتة حاجات بتحصلنا فى العيد
أن المية بتطلع لنا أصحاب الأدوار العليا بعد ما يكون كل الناس
خلصوا حاجاتهم واتفرغوا للتنزه والزيارات ومشاهدة التليفزيون
تانى حاجة زيارة خالى العزيز لينا أول زيارة بتكون منه
هو أدامها الله
علينا نعمه وأعطاه الصحة والعافية
تالت حاجة حالة الاسترخاء والراحة واللاشىء سواهما
بس فى حاجة حصلتلى هى انى لم استمتع بشىء هذا العيد
وعندما حاولت فشلت
وكأن استقبالى للاتصالات الهاتفية ورسائل الموبايل
حتى وإن كانت من أشخاص
غبر متوقعة روتينية ولابد منها
ثمة مرارة فى استقبالي للأشياء لم استوضح لها أسباب مقنعة
هناك 7 تعليقات:
كا مفسي أبعتلك رسالة بس كلامك قلقني..فيه إيه طيب.. شكلك مش حلو.. وكلامك يوجع .. رغم إنها عبارة صغيرة للغاية..أبعتلك ولا مابعتلكيش.. حللي القعده حلوه علشان خاطري ولمي الدور.. هي مش ناقصة..
العيدية جاهزة والكحك.. ناقص إي؟.. تعرفي.. ضحكتك الحلوة يللا اضحكي كده..يللا
خالص محبتي
خاطرك غالى عليا ورسالتك بتسعدنى فى كل الأحوال بس اشعر انى فى شىء جوهرى ليس موجود بين ثنايا نفسى قد اعرفه ولكن أخشى مواجهته
أو أدعى معرفته
دوامة من اللخبطة
لم تفلح معها اى مظاهر عيد
ولكنه وجع يتملكنى وأسفة انه بيوجع
بس مش قادرة أكون غيرى دلوقت
تحياتى واعتزازى ومودتى
خلليكي زي ماتحبي بس ماتنسيش تكتبي كل أوجاعك فقد يكون فيها ماينفع الناس.. هو ده بعض أسباب الكتابة.. التحرر من الألم.. حين يضيق بي الحال وأكاد لاأتنفس ويمتنع عني الهواء ويصبح الجحيم هو اللحظة.. أتخلص من كل ذلك بالكتابة.. أخش آخد دش.. وبعدين أشغل موسيقى حلوه وأعزم نفسي على حاجه ساقعة وسيجارة وأمدد رجلي وأقعد أكتب.. باتخلص من كل حاجه ساعتها.. وفي الشتا أمشي تحت المطر.. طبعا إحنا لسه مادخلناش عصر المطر بس برضه ممكن..
جربي مش هاتخسري..
تحياتي وحبي
رمضان و العيد
فى حالة حزن
على الاقل عندى
لية مش عارف
كل سنة و انتى طيبة وعيد سعيد رغم الاسى فى كلامك والرتابة التى استقبلتى بها العيد واذا كان هذا كلام من يعيشون على ارض الوطن و بين الاهل فماذا سيكون كلامنا نحن من يستقبلون العيد فى بلاد الاخرين ويتنفسون هواءً لا يعرفونه لا يحمل طعم الوطن .. اتمنى كما قال صديقنا المشترك دكتور زين ان تتخلصى من هذه الحالة سريعاً لتعود ضحكتك لتملأ شخابيطك من جديد ... تحياتى وشكرى
أستاذى العزيز وأبى الجميل زين اسعدتنى برسالة الموبايل غير التقليدية لانها كانت مشاركة ليا فى اللى بحس بيه
وهحاول اعمل زى ما بتقول واصاحب نفسى
التى أهملتها وأصبحت طلاسم والغازًا
يصعب على فيها لماذا تحيطها الغيوم
والشجن
تحياتى ومحبتى
فاوست ...نورت وشرفت المدونة ولو إنى كنت أتمنى تكون فى بوست أحسن كده ,شعرت أن سبب تعليقك هو أننا التقينا فى الة الشجن والحزن لديك
وربنا تكون حالة وتعدى
تحياتى وشكرى
حازم ...دائما يسعدنى برك بأصدقائك وحرصك على مشاركتك لهم اعرف ان حال ما يستقبلون العيد بعيدًا عن أرض الوطن شىء..بس متهيألى الأصعب انك فى بعض الاحيان تحس الوحدة والغربة
على أرض وطنك وبين ناسك
تحياتى وتقديرى
يمكن لان حياتنا كلها بقى فيها مراره
يمكن
سلامووووووووووز
إرسال تعليق